Thailand: Gavman i lukluk long daonim wok long Embasi long Cambodia
Updated
Wanpla sinia sekiuriti ofisa blong Thailand long Bangkok itok olsem ol intelligence na security agencies nau iwok long redi-im ol plan oa tingting blong katim namba blong ol wokmanmeri long embasi blong Thailand, long Phnom Penh, biktaon blong Cambodia.
Oli wok long lukluk na redi tu long rausim kuik ol pipal nogut ol kros namel long despla tupla kantri igo bikpla na bai gat ol strongpla mas, na trabal egensim Thailand bai kamap ken.
Thailand iwok long tok lukaut long pasim boda blong en wantem Cambodia bihaen long ol wokbung na belheve namel long despla tupla kantri ibin go bagarap olgeta, long wonem Cambodia ibin makim Praim Minista bifo blong Thailand, Thaksin Shinawatra (Shin-a-Wat) olsem wanpla advaisa. Wanpla kot long Thailand ibin makim Mr Shinawatra long kalabus inap long tupla yia tasol emi bin ronowei.
