Pac: Ol ailan kantri i laikim halvim pastem long climate change miting
Updated
Planti ailan kantri i autim pinis ol askim blong kisim sampla halvim, wanpla mun tasol pastem long bikpla climate change miting blong United nations em bai oli holim long mun bihaen long Copenhagen, insaet long Denmark.
Sarah Clarke i ripot olsem, ol despla ailan kantri iwok long holim lastpla miting blong ol nau long Maldives blong traem long kamapim wanpla tok oraet blong kamapim wanpla nupla deal blong climate change .
Presiden blong Kiribati igo pas long mekim depsla askim igo long ol divelop kantri olsem Australia blong halvim ol pua kantri blong painim ol gutpla wei blong kamapim na bihaenim ol kaen sidaon em climate change bai kamapim.
Anote Tong itok olsem planti komiuniti i wok long lusim pinis ol ples blong ol, na tu ol gaden kaikai blong ol i bagarap pinis long ol solwara, na oli mas painim wanpla gutpla loa sopos oli laikim bai kantri blong en ino ken lus aninit long ol solwara.
"We dont have the resources to deal with this and we are asking the international community to come to our assistance and we need to do this together as a global community".
Kiribati i stap nau wantem ol narapla liklik ailan kantri blong Pacific long despla miting long Maldives blong kamapim wanpla gutpla na strongpla rot blong blong bringim igo long despla United nations climate change miting long Copenhagen.
