Aust: Murdoch itok PM isave egensim midia tumas
Updated
Man husat i papa blong News Corporation Rupert Murdoch itok olsem Australian Praim Minista Kevin Rudd i winim ol narapla Praim Minista long mekim ol strongpla toktok tumas egensim ol wok nius oa midia.
Jesse Leary i ripot olsem Kevin Rudd ino sem liklik long tok olsem News Limited iwok long kamapim ol stori na bagarapim nem blong em.
Long sampla taem igo pinis Mr Rudd ibin sutim ol strongpla toktok egensim midia na tok olsem ol kaen stori em oli save raitim long gavman blong en ino save gutpla tumas, na tupla long ol despla stori em Education Revolution na tu OzCar affair.
Tasol bosman blong News Corporation Rupert Murdoch ibin tokim Sky news olsem Praim Minista ino save sem oa holim bek ol strongpla toktok blong en, olsem ol narapla Praim Minista bifo.
HE EXPRESSES HIS COMPLAINTS MORE VOCIFEROUSLY AND FASTER BUT NO I THINK THEY'RE ALL PRETTY MUCH THE SAME.
Mr Murdoch ibin autim tu strongpla tingting blong en long ol toktok em oli wok long mekim long imigreisan, na emi tok olsem Australia imas kisim na larim ol asylum seekers long kam insaet long kantri.
