Vietnam: 13 pipal idai bihaenim landslide.

Updated November 8, 2009 08:09:32

Samting olsem 13 pipal i dai pinis long central Vietnam taem ol graon bruk ibin karamapim bihaenim ol strongpla ren, win na taem nogut oa storms na ol floods ibin kilim klostu 130 pipal.

Ol bikpla ren, ibin kamapim ol despla graon bruk oa landslide stat iet long taem Tropical Storm Mirinae ibin hamarim Vietnam long mande. Heve blong ol despla graon bruk ibin kamap long planti tausan ton stret na emi bin go karamapim wanpla grup blong ol Gold miners taem oli bin wok long silip iet.

Tropical Storm Mirinae ibin kilim tu, tupla pipal long Cambodia na samting olsem 27 pipal ibin dai long Philippines, we planti tausan ol pipal iwok long stap iet long care senta, bihaenim planti ol tropical storms em oli bin hamarim kantri pinis.