Tonga. Shipping bosman ino gat Loia
Updated
Wanpla bosman blong shipping long Tonga husat ibin baem bikpla sip Princess Ashika emi bin go insaet long solwara, nau inogat loia long sanap makim em long kot bihaen oli bin rausim sevis blong loia blong en, na despla i stopim ol wok painimaut long birua blong despla sip.
AFP i ripot olsem John Jonesse ibin kamap long kot long namba foa taem blong givim evidans aste, tasol loia blong shipping kampani, Shipping Corporation ov Polynesia ibin tokim em olsem em i mas painimi narapla loia long wonem oli bin rausim em pinis olsem managing direkta blong Shipping Corporation ov Polynesia.
Despla i min olsem bai oli no nap pinisim kuik ol wok painimaut igo insaet long birua blong bikpla paisndia bot, emi bin kapsaet na go insaet long solwara long mun August.
74 pipal ibin dai long despla ship em oli no save sopos emi bin oraet long emi mekim ron blong en oa nogat.
Oli stopim pastem despla wok painimaut inap long tupla wik.
