Japan: I laik kirapim biris long wanpla Pacific atoll
Updated
Japan iwok long tingting nau blong kirapim wanpla biris blong ol sip long wanpla ailan long Pacisif emi stap longwei tru long Japan. Emi laik mekim despla wok blong putim mak blong en na strongim laik blong en olsem emi papa long despla ailan.
Sankei Shimbun niuspepa i ripot olsem gavman blong Praim Minista, Yukio Hatoyama igat laik long mekim ol wokpainimaut long kirapim despla pot long 'Okinotorishima, emi stap samting olsem 1,700 kilometres longwei long south blong Tokyo.
Japan isave tok olsem olsem Okinotorishima emi stap tamblo tru long south blong kantri olsem hap long kantri blong en, na despla tingting bai larim em long surikim 200-nautical-mile exclusive economic zone raonim despla ailan.
China ino wanbel wantem despla toktok blong Japan, na emi oli no nap luksave long despla atol em ol solwara isave karamapim olgeta taem olsem wanpla ailan aninit long UN Convention long Law of the Sea.
