PNG: Australia wheelchair man bai wokabaut long Kokoda
Updated
Wanpla Australian sempion wheelchair athlete, nem blong em Kurt Fearnley, i kamap pinis long stat blong Kokoda Track blong statim wanpla wokabaut em ating bai wanpla strongpla salens tru long em i mekim.
PNG niusman Liam Fox i ripot olsem, wan wik tasol bihain long em i winim nambafo New York marathon, Kurt Fearnley i kamap long Kokoda blong stat wokabaut long displa 96 kilomita jungle trek.
Displa track ino blong ol man i sidaun long wheelchair, olsem na Fearnley i bin wokim sampla narakain pads na gloves yet blong yusim.
Bihain long em i save resis long wheelchair moa long tenpla yia, em i skulim em yet pinis long crawl - oa wokabaut long han na lek wantem ken.
Tasol em bai gat planti kain halvim long bus .. tupla brata blong em, fopla kasen blong em na eitpla fren blong em bai wokabaut wantem em.
Fearnley na grup blong em i hope ol bai kamap long Owers Corner bihain long tenpla de.
