Aus: Gavman bai noken salim ol Sri Lankans igo bek
Updated
Australia Gavman i tok, ol bai noken salim sampla pipal blong Sri Lanka, husat i stap antap long Australian Customs sip Oceanic Viking, igo bek long Sri Lanka.
Simon Cullen i ripot ikam long Canberra Paliment olsem, displa 78 pipal blong Sri Lanka i stap antap long Oceanic Viking inap pinis long tripla wik, tasol oli no laik lusim bot.
Senator Barnaby Joyce blong Australia pati the Nationals, i tok ating mo beta oli salim ol igo bek long Sri Lanka.
Deputy Oposisen Lida, Julie Bishop i tok displa toktok i makim bikpla bel-heve na wari nau i stap long komuniti, long wei gavman i wok long mekim nambaut long ol displa pipal.
Tasol Foran Minista, Stephen Smith, i tok em bai noken stret long salim ol igo bek long Sri Lanka.
Mr Smith bai stap long Sri Lanka tumora blong toktok wantem Gavman long hap, long ol wei blong stopim pasin blong ol ol lain oli kolim - people smugglers, lain i save mekim pipal i laik ronawe lusim kantri blong ol i peim bikpla mani, karim ol hait na dropim ol long narapla kantri.
