78 Sri Lanka pipol long Australia sip Oceanic Viking ino laik igo aut.

Updated November 11, 2009 21:03:58

Dispela koros blong 78 Sri Lanka pipol antap long Australia Kastom sip,Oceanic Viking igo hed yet.


Australia gavaman ibin rausim ol toktok ibin kamap olsem em bai traim muvim Oceanic Viking lusim Indonesia.

Nius-meri Naomi Woodley i ripot ikam long Canberra olsem dispela 78 Sri Lanka pipol antap long dispela Australia kastom sip moa long tripela wik,na iwok long nolaik yet long igo sua long Indonesia.

Sekuriti Clearance blong dispela sip long stap long solowara blong Indonesia bai pinis long Friday.

Tasol Minista blong Immigration Chris Evans ibin tok emi no tru long ol toktok olsem ating ol bai salim dispela sip igo long Philippines sapos Indonesia ino surukim taim blong ol long stap long solowara blong ol .

Emi tok Australia gavaman ilaikim yet ol dispela asylum seekers imas go long Indonesia.