PNG ino redi long toktok long climate Change.
Updated
Gavaman blong Papua New Guinea ibin tok stret olsem em ino redi long stap insait long ol toktok blong Climate Change,em ol kantri long wol bai istap insait long en long Copenhagen,
long mun Disemba,maski long emi go pas long ol tingting blong carbon emission trading .
Port Moresby niusman Firmin Nanol ibin ripot,lain National Forest Autoroti ibin korosim gavaman long ino bin gat wanpela "action plan"blong climate change,na nau Department blong
Enviroment na Conservation i tokaut long wankain tingting.
Bikpela wok blong Offis blong Climate Change,em long kamapim wanpela polisi,na nau wanpela wok painim oli mekim igo long en, long ol toktok ibin kamap olsem em ibin givim aut
ol certificate blong "carbon trading"igo long ol agents blong narapela kantri,we ino bihainim loa blong kantri.
Papua New Guinea nau igo pas long wanpela lain kantri em oli gat bikpela ol forest-na go pas long wanpela tingting blong ol rich kantri i mas peim ol long lukautim forest blong ol olsem oli ken kisim greenhaus gas emmission.
Tasol lain international Conservation grup ibin tok pasin blong stil na katim nating ol diwai long bus iwok long igo hed yet.
Forest Campaigner blong Papua New Guinea,Dorothy Tekwei ibin tok dispela pasin oli mas stopim,na sapos nogat dispela pasin tasol bai ol arapela kantri bai inonap bilivim png long Climate Change tingting blong en long Copenhagen.
