PNG: Sik cholera i kamap pinis long East Sepik Province.
Updated
Ol helt otorati long Papua New Guinea i tok, sik cholera i kamap pinis long East Sepik ikam long Madang Province.
Igat ripot long sampela pipal i dai pinis long en.
Firmin Nanol i ripot namba wan outbreak blong cholera ibin kamap long Morobe Province.
Em i bin kamapim dai blong klostu 80 pipal bipo em i kalap igo antap long Eastern Highlands na bihain igo kamap long Madang Province.
Nau em i kamap long East Sepik Province.
Provincial Administrator Samson Torovi i tok, faivpela i dai na moa long 90 ol narapela i kisim pinis.
Em i tok, Angoram District i kisim nogut stret long dispela sik, longwanem, planti pipal isave travel igo ikam long Madang blong salim betelnuts oa buai
Ol otorati blong Papua New Guinea i tok, oli plan blong pasim pipal ino ken ikam long Madang igo insait long East Sepik Province.
