PNG: Ol fishing bot ino bin halivim PNG grup i bin drip long solwara.
Updated
U-S Coastguard i wok long painim aut long ol toktok olsem wanpela grup blong pipal blong Papua New Guinea i drip long solwara inap long tupela mun, planti ol fishing bot i bin lukim ol tasol ino bin halivim ol.
Ocean Encounter em U-S i papa long en i bin halivim sevenpela man long bot blong ol long las wiken na kisim ol igo long Marshall Islands blong kisim medical tritmen.
Tupela ol i bin dai taim oli wok long kisim ol igo long hospital na narapela strongpela solwara i bin karim em aut sampela dei tasol bipo long halivim i bin kamap long ol.
Oli bin tok tu olsem, planti ol bot i bin lukim ol tasol oli no bin laik halivim ol, tasol ikam inap nau oli no bin nap long givim moa toktok long en.
Kapten blong Ocean Encounter, Ben Maughan i tokim Radio Austrlaia olsem, nau oli wok long painim aut moa long dispela ol allegation oa toktok blong ol.
