Taiwan:President tok China mas rausim ol roket
Updated
Premia blong Taiwan, Wu Den-yih i tok em i laikim China long rausim ol roket-bom em oli pointim igo long ailan blong em, pastaim long ol toktok blong bel-isi i gohet namel long tupla.
Taiwan midia i tok makim Mr Wu long tok China i mas givim moa spes long displa ailan long intanesanel komuniti, na China i mas rausim ol roket, sapot em i laikim Taiwan long bilip long em.
China i gat klostu 1,500 roket-bom em oli pointim stret long Taiwan.
Maski Taiwan i save gat gavman blong en yet stat yet bihain long pinis blong sival wo long 1949, China i save tok yet olsem, displa ailan em hap teritori tasol blong en, na i bin tok pinis olsem, em ken yusim fos long kisim, sapos Taiwan i bikhet.
