Rugby: France memeim Samoa na redi long All Blacks
Updated
French rugby tim i redi pinis long go agensim New Zealand.
Oli bin daunim tru Samoa 43-5 long State de France insait long wanpla pilai em i bin wan-said tru.
Coach Marc Lievremont i bin wokim sampla senis long tim em i bin memeim wold sempion tim South Africa 20-13 long las wik long Toulouse, tasol em ino stopim ol long skorim seven tries.
Lievremont i tok em i gat planti gutpla pleia we i ken selektim skuad blong pleim agensim New Zealand All Blacks long Sarere long wik bihain insait long Marseille.
