SRI LANKA: Ol Tamil sivilian nau i fri long lusim kem
Updated
Amnesty International i wok long askim Gavman blong Sri Lanka blong larim 130,000 Tamil civilians i stap long ol kem army igat kontrol long ol igo fri.
Oli bin lusim ol ples blong ol taim laspela pait gavman i bin mekim agensim ol Tamil Tiger separatist long north blong kantri.
Gavman i tok, ol dispela refugi nau i fri long lusim ol kem, tasol planti long ol ino nap go bek long ples, longwanem oli no gat transpot na ol vilis blong ol i bagarap pinis.
Amnesty i tok, taim ol lusim ol igo fri, oli mas givim promis long ol olsem bai oli noken arestim ol ken.
Emi tok, gavman i mas gohet long lukautim ol dispela pipal, long wanem oli hap oli makim blong go stap long ol.
Oli bin tokim pipal long kem long lusim ol hap long northern Sri Lanka, long Tude, sevenpela mun bihain long gavaman ami i bin winim ol Tamil Tigers.
