AUS: Gavman i tok nupela plan long Afghanistan em blong winim pait.
Updated
Gavman blong Australia i tok, nupela plan blong Afghanistan, bai putim strongpela tingting long winim pait.
Defence Minister, John Faulkner i welkamim pinis dispela nupela plan, wantaim tu dispela tokaut long salim narapela 30-tausen moa American soldia.
Em i tok, Australia ino tingting blong salim moa soldia tasol bai oli lukluk ken long en blong lukim olsem givim trening long ol soldia blong Afghanistan, em i namba wan samting.
Em i tok, American i bin toktok wantaim gavman blong Australia na defence fos, long dispela nupela plan.
