Cook Islands: I oraetim seabed maining loa
Updated
Cook Islands i oraetim pinis wanpla loa em bai lukautim ol wok blong mining aninit tru long ol solwara, blong kantri.
Despla emi nambawan kaen loa em oli kamapim long Pacific, na em bai lukautim loa blong ol mining wok long solwara na tu ol wok lukaut blong environment na wok blong skelim ol win moni igo long ol pipal oa royalties na takis igo long gavman.
Insaet long wanpla toktok emi bin autim, laen blong Commonwealth Secretariat, husat ibin halvim long kamapim despla loa, itok olsem oli save Cook Islands i pulap long kaen samting em oli kolim long polymetallic nodules.
Despla tasol i mekim na planti kantri tru long wold i soim laik long despla kaen wok mining bihaen long oli kamapim pinis ol nupla teknology oa masin blong kisim ol despla metal isi tru.
Maritime boundaries advisor blong Commonwealth Secretariat, Joshua Brien, itok olsem long bihaen taem ol gavman blong Cook Islands bai mas bihaenim gut despla loa blong mekim ol wok mining aninit long solwara.
Oli ting olsem ol narapla kantri long Pacific region iken lukim despla loa blong Cook Islands na kamapim ol wankaen loa blong ol iet.
