PNG:Moa meri imas igo insait long Palimen.
Updated
Wanpela meri tasol insait long Papua New Guinea palimen,Dame Carol Kidu,ibin tok igat bikpela tingting istap nau long lukim moa meri igo insait long wok politik long yar bihain.
Dame Carol Kidu ibin tok oli bin pait long 20 yar long lukim olsem igat ol meri insait long palimen long Papua New Guinea.
Namel long pipol i wok long pait long dispela tingting em long Dame Carol Kidu yet na Praim Minista Michael Somare,we oli bin lusim vout long palimen long mun March long mekim ol meri igo insait long palimen.
Tupela sait long politik,em long gavaman na opposisen,ibin tok orait long vout long wanpela plan long holim seat blong ol meri long bihain taim.
Dame Carol ibin tok em na lain tim blong ol lokel na overseas advaisas,iwok long stretim wanpela plan olsem blong apim namba blong ol seat long palimen olsem blong lukim moa meri igo insait long politik.
Emi tokim Radio Australia-Pacific Beat program,emi hope ol dispela senis bai inap kamap long mun May long yar bihain.
