PNG: Don Poyle i winim bek seat blong em.
Updated
Wanpela long ol olpela deputi Praim Minista blong Papua New Guinea,Don Poyle iluk olsem bai winim bek seat blong em long Kandep bihain long ol vout blong by eleksen em nau tasol oli pinisim.
Port Moresby niusman Firmin Nanol ibin ripot Don Poyle husait ibin winim seat blong Kandep long Enga Provins long 2007 eleksen long Papua New Guinea,kot ibin rausim,bihainim gutpela salens blong loosing candidate long ol toktok olsem igat sampela paul pasin ibin kamap long wei pipol i vout.
Papua New Guinea elektoral Commission ibin holim bye eleksen las mun,em ibin kamap wantaim ol trabel we ol samting ibin bagarap.
Long ol risalt blong ol vout em oli kandem pinis, Don Poyle igat nau samting olsem 18000 ol vout we emi winim man i klostu long em Alfred Manasseh,husait igat 8000 wantaim tupela ballot bokis oli kandem ol pinis.
Ol offisel blong eleksen ibin tok ol vout blong dispela tupela bokis inonap kamapim bikpela senis long wanem Mr Poyle i abrusim pinis namba blong vout blong 50 pesen emi dilim long win.
Long 2007 eleksen Mr Poyleibin winim long bikpela namba stret long namba wan raun blong ol vout bihainim dispela nupela Limited Preferential system blong vout.
Don Poyle emi National Alliance pati lida blong Highalands.
