Tonga: Wok painim long kapsait blong ferry i gohet
Updated
Wok blong Tongan Royal Commission of Inquiry -- lain i wok long painim aut moa long wanem samting i rong na wanpla ferry nem blong en Ashika i bin kapsait long yia igo pinis, i gohet yet.
Nau em i statim nambawan de long ol las pablik miting blong harim toktok blong pipal long displa bagarap.
Sevenpla-ten pipal i bin lus long solwara taim displa ferry, Princess Ashika i bin kapsait long mun Augus long 2009.
Displa birua i makim wanpla bikpla birua oa disasta tru long histri blong Tonga, na em i bin nambawan bikpla birua tru long Pasifik rijen.
Em i bin kapsait na go daun long solwara sikispla wik tasol bihain long oli bin baim long Fiji.
Insait long olketa 39 de oli sidaun harim toktok blong pipal, Royal Commission i harim olsem displa ferry, em Tonga Gavman shipping kampani i bin baim, ino bin sef na em ino bin fit long solwara.
