Pac: PIANGO i gat bikpla dinau tasol oli sapotim yet
Updated
Nambawan lain i sanap makim ol NGO long Pasifik, i gat bikpla dinau, tasol ol memba i sapotim em yet.
Pacific Islands Association of Non Government Organistions oa PIANGO i gat samting olsem 400-tausen US dola dinau.
Pasifik niusman blong mipla, Campbell Cooney i ripot olsem, long yia igo pinis, ol aid lain blong Australia na New Zealand, em long Ausaid NZAID, tupla i bin pinis long sapitim PIANGO long mani, bihain long oli audit oa galasim ol buk blong en na painim aut olsem, em i gat moa long 400-tausen US dola dinau bikos oli no save menijim gut mani.
Wok blong en yet long galasim ol buk blong en i painim aut tru tru olsem, yes displa bikpla dinau i stap, na long wik i pinis oli bin presentim displa ripot long ol memba blong PIANGO.
Siaman, Drew Havea i tok PIANGO bai gohet, tasol em no nap wet tasol long halvim ikam long ol dona kantri.
Ikam inap long yia igo pinis, Australia na New Zealand tasol i save fund oa givim mani blong ronim ol wok blong PIANGO.
