Aus: Blong wanem na gavman ino makim Pasifik minista?
Updated
Lain oposisan long Australia i tok i luk olsem Gavman i stretim tingting pinis long noken makim wanpla niupla Palimentri Sekretri blong Pasifik Afeas.
Duncan Kerr i bin toksave las yia olsem, em bai pinis long displa wok taim niupla nesanel eleksen i kamap, olsem na em i lusim displa Palimentri Sekretri wok.
Hai Komisina blong Papua New Guinea na blong Samoa tupla wantem i tokaut long wari blong tupla olsem, nogat man i kisim yet wok blong Mr Kerr.
Liberal Senator, Alan Ferguson, i tok Praim Minista i bin tokaut long ol niupla Ministirial wok tede long paliment na oli no makim wanpla man blong Pasifik Afeas.
Tasol Spesal Minista blong State, Joe Ludwig, i tok, maski long givim rong mining long displa.
