PNG: Sik cholera i kamap bikpla long kantri
Updated
Sik cholera i wok long go nambaut long pipal insait long Papua New Guinea.
Ol gavman helt ofisal nau i tok, displa sik nau i kamap bikpla pablik helt wari long kantri.
Oli tok makim nesanel kodineta blong gavman long displa sik, Victor Golpak, long tok wari long displa sik bipo i bin nogut tasol nau em i nogut olketa.
Stat long taim oli bin painim nambawan man wantem displa sik long mun Augus long 2009, oli painim pinis nau moa long tu-tausen raun long kantri.
Planti long ol PNG pipal i gat displa sik i stap long Morobe Provins, Madang na East Sepik Provins.
Long mun Jenuari oli bin painim tu wanwan man nameri i gat sik cholera long Eastern Highlands Provins na long kapital Port Moresby.
Pacnews i tok 45 pipal i dai pinis long cholera.
