Tubuai Island long French Polynesia i painim aut long bagarap Cyclone
Updated
Pipal blong Tubuai Island long French Polynesia i stat pinis long painim aut long wanem ol bagarap i bin kamap long Cyclone Oli, i bin kamap long wiken.
Oli stretim pinis electricity, water na telephone long hap blong ailan.
Wanpela sip ikam long bikpela island blong Tahiti i kamap pinis tu wantaim ol suplai na ol building material.
Narapela sip bai kamap sampela taim long dispela wik wantaim ol building materials blong stat wokim ken sampela long ol tu handred ol haus, em i bin bagarap long dispela cyclone.
Wanpela man blong ailan, Alain Gylphe (Al-ann Jzeel-fay) i tokim pinis Pacific Beat olsem, oli pilim olsem oli laki stret long stap laip.
