Australia i tok sori long ol famili blong ol Indian sumatin.
Updated
Foreign Minister blong Australia, Stephen Smith i tokaut pinis ken long bel sori igo long ol famili blong ol sumatin blong India oli bin paitim ol long Australia.
Em i tok, Australia igat loa i pasim dispela pasin blong paitim oa tok nogutim narapela pipal long kala skin blong ol.
Em i bin mekim wanpela longpela toktok long Palaman long Canberra blong autim bikpela wari long ol heve dispela trabel inap kamapim long wok pren namel long Australia na India.
Mr Smith i tok, em i gohet long toktok wantaim wanwok blong em long India, S-M Krishna long wanem ol nupela senis oli mekim long ol sumatin, migration na welfare bihainim ol dispela pait oli wok long mekim long ol sumatin.
