Pacific poor i nidiim halivim ikam long ol gavman, ADB itok.
Updated
Asian Development Bank i tok, ol gavman i mas putim bikpela tingting moa long providim ol social safety nets blong ol poor oa turangu lain long Pacific.
Em i tok, sapos nogut, ol pikinini, ol yangpela pipal na ol dispela ino nap halivim ol yet, bai gohet long bungim heve, long wanem long dispela heve i kamap long ekonomik raun long wold.
Jemima Garrett i ripot, Vice President blong Asian Development Bank, Larry Greenwood , i bin wanpela long ol spika long bikpela Conference long Human Face of the Global Economice Crisis, nau iwok long kamap long Vanuatu.
Em i tok, ol gavman blong Pacific imas kamapim gut wok blong ol na stop long lusim nating moni olsem oli ken nap long spendim moa moni long ol program blong halivim ol poor oa turangu lain.
Mr Greenwood ibin makim ol programs, olsem cash payments oa givim moni long famili husat i larim ol pikinini blong ol long skul olsem blong halivim ol i kisim gutpela wok.
