PNG: Straik bai nap pasim BSP long wik ikam
Updated
Bikpla Bank tru long Papua New Guinea Bank South Pacific, ating bai pas long wik bihaen long wonem ol wokman-meri i laik mekim ol stopwok oa strike.
Oli tok olsem management blong Bank ino bin stretim ol wari na bikpla askim blong ol, wanpla long ol despla askim blong ol em long bank imas kirapim wanpla housing scheme blong ol, bihaenim narapla stopwok em oli bin mekim long 2007.
Bankers Union president, Anton Sekum, na general secretary, Vera Raga, ibin tokim Post Courier niuspepa olsem Bank i lusim pinis longpla taem blong stretim ol despla wari blong ol, na nau i luk olsem bai oli holim straik.
Union iwok long askim Bank tu long baem ol shift allowance igo long ol wokman-meri em oli no bin baem ol stat iet long 2007.
