Indon: President i adresim Australian palaman
Updated
Lida blong Indonesia President Susilo Bambang Yudhoyono igivim pinis bikpla na nambawan toktok blong en tru igo long Australian palaman long Canberra.
Despla emi namba faif taem tasol we wanpla lida blong wold igivim toktok oa adresim Australian palaman stat long taem oli bin kirapim haus palaman blong Australia samting olsem 110 yia igo pinis.
President Yudhoyono ibin tokim ol palaman memba na ol Senators olsem emi tok tenk yu tru long kisim despla luksave, na emi bin tok tu olsem emi hamamas long lukim ol wokbung namel long Australia na Indonesia iwok long kamap gut.
President Yudhoyono ibin tok despla tupla kantri isave halvim wanpla narapla long ol taem nogut, olsem long 2004 taem bikpla tsunami tru ibin hamarim ol kantri long Asia na tu long ol bikpla paia tru emi bin bagarapim state blong Victoria hia long Australia, despla tupla heve ibin soim strongpla wokbung namel long Australia na Indonesia.
Emi bin tok tu olsem ol kaen tingting nogut em despla tupla kantri isave bin gat bifo, nau imas senis na emi tok olsem ol strongpla wokbung namel long despla kantri imas stap olsem gutpla rot em ol narapla kantri iken bihaenim.
I look forward to a day in the near future, the day when policy maker, academicians, journalists and other opinion leaders all over the world take a good look at the things we are doing so well together and they will say these two used to be worlds apart, but they now have a fair dinkum partnerhsip. (applause fades)
