Van: TI tokim polis komisina long risain
Updated
Long Vanuatu, Transparency International i tok polis komisina i mas risain nau tasol, blong larim wanpla independent inquiry oa wok-painim i lukluk long dai blong wanpla kalabus taim em i stap long han blong polis.
T.I Vanuatu i tok olsem bihain long wanpla Coroner ripot em i sutim tok long polis long dai blong John Bule, taim em i stap long lukaut blong Vanuatu Mobile Force blong askim em gut long sampla samting.
Coroner, Justice Nevil Dawson, i bin emkim strongpla toktok agensim pasin blong V-M-F na strongpla toktok moa yet long Polis Komisina, Joshua Bong, husat i bin wanpla memba bipo blong Vanuatu Mobile Force.
Coroner Dawson i tok, polis i feil long painim aut gut hau Bule i bin dai na i tok, wanpla murder investigation oa wok-painim i mas kamap blong lukim sapos oli bin kilim em.
Marie-Noelle Ferrieux-Patterson, blong Transparency International long Vanuatu, i tok Coroner i bin toktok tu long wanpla kain kalsa insait long Vanuatu polis na em i tokim komisina long risain.
