Indo: Ami na Polis i wokim eksasais
Updated
Indonesia polis na militari i lonsim sampla eksasais agensim ol teroris pasin -- insait log ol eria olsem long bikpla ples balus long jakarta, stock market bilding, sampla hotel na long wanpla solwara eria long north blong jakarta.
Ami i tok em i hope displa eksasais bai meim militari na polis wantem i kamap moa 'professional' -- oa i mekim gutpla wok moa agensim terorisem pasin.
Indonesia polis i bin wokim sampla redi long ol ples oli ting ol militant oa trabalman i save hait long en insait long displa sikis mun igo pinis.
Long Fraide, oli bin sutim na kilim idai tupla man em oli ting tupla i save halvim terorisem pasin.
Namel long tupla ia em long biknem militant man, Dulmatin, husat oli ting i bin wanpla sinia lida blong Southeast Asian grup Jemaah Islamiyah.
Na long mun Septemba, Indonesia militari fos i bin tok oli bin kilim idai narapla man oli ting i wanpla teroris tu, nem blong en, Noordin Mohamed Top.
Displa tupla man i bin save hait gut tru na oli no bin nap arestim tupla long putim long kot.
