Aus: Ol klaimet senis pipal laik strongim toktok ken

Updated March 13, 2010 21:00:22

Long Australia, ol climate change activists -- pipal i save toktok long climate change -- i gat strongpla bilip oli ken mekim climate change i kamap bikpla samting ken long politik pastaim long Australia eleksen.

Samting olsem 200 activists i bung long Australian National University long Canberra displa wiken blong stretim tok long hau oli ken mekim displa.

Wanpla long ol pipal i redi long displa miting, Moira Williams, i tok pasin we ol midia i bin toktok tumas long ol lain ino bilip i gat heve long climate change i kama -- ol 'climate change sceptics', i bin bagarapim muvmen blong ol, tasol em i tok, planti pipal i sapotim yet aidia long ol gavman i mas mekim samting kwik blong stretim climate change.