Aus: Tamil grup ino hamamas long gavman
Updated
Long Australia, ol Tamil grup i tok ating bai gutpla sapos Australia Gavman i bin wetim ol niupla United Nations gaidlain, pastaim long stat salim bek ol asailam sika igo bek long Sri Lanka.
U-N Refuji ejensi i wok long tingting long senisim ol gaidlain em oli tok em ino sef long salim ol Tamils igo bek long northern Sri Lanka.
Tasol Gavman i tok, em i stat pinis long salim bek sampla Tamil asailam sika bikos em i kisim toksave olsem, kantri nau i sef moa winim taim bipo.
Dr Victor Rajakulendran, blong Australasian Federation of Tamil Assocations, i tok Gavman i wok long putim laif blong ol Tamils long birua taim em ino harim tok long wetim ol niupla gaidlain blong UN.
