Fiji: Kantri i redi long kamap blong saiklon
Updated
Fiji i wok long redi gut long taim nogut oa bad weather ken.
Oli ting Tropical Cyclone Tomas bai kamap long Fiji long Sande.
Radio Australia ripota blong Pacific, Campbell Cooney i tok Tropical Cyclone Tomas i bin kirap long Fraide klostu long Wallis na Futuna.
Em i wok long ron isi isi igo long South West long Fiji, na oli ting em bai kamap long ol ailan na north provins blong Fiji long Sande.
Fiji Disaster Management Authority i givim aut ol toksave blong mekim ol komuniti long displa hap i redi, na oli tokim pinis ol medikal senta long redi gut.
Toksave long kamap blong Tropical Cyclone Tomas long Fraide i bin mekim ol otoriti i pasim ol skul long Fiji na tok lukaut i kamap olsem, ol floods oa tait-wara inap kamap.
