PNG: Exxon Mobil i tok LNG projek i redi long stat wok
Updated
Long Papua New Guinea, Exxon Mobil i tok em i stretim pinis olketa tok orait blong gas projek blong en long kantri, em i kostim 15 bilian US dola.
Exxon Mobil, wanpla bikpla paua kampani tru em i het kuata blong en i stap long America, i tok olketa tok orait blong fainens na blong sales nau oli sainim pinis na em i redi long stat wok.
Em i tok, tok orait blong displa bikpla LNG oa liquefied natural gas projek ating bai kamap nambawan bikpla kain tok orait tru olsem long kamap long Papua New Guinea.
Displa projek bai save saplaim fopla bikpla kampani long Taiwan, Japan na China na oli skelim laif blong en bai go inap long 30 yia.
PNG gavman i holim 17 pesent long projek na ol lokal papa-graun i holim 3 pesent.
Ol saveman i skelim olsem, displa projek i ken dabalim income of mani PNG i save kamapim.
