Malaysia: I askim Swedish gavman long stopim tripla niuspepa
Updated
Malaysia i askim strong pinis gavman blong Sweden long givim sampla mekimsave long tripla niuspepa husat ibin raitim na soim piksa blong Prophet Mohammed long bodi blong dog.
foran Minista blong Malaysia, Anifah Aman, itok "Malaysia i no laikim tru" despla pasin em ol niuspepa i mekim long autim pikisa blong Prophet Mohammed na emi tok, despla kaen pasin emi blong hatim bel na emi bagarapim gut tru nem blong Prophet Mohammed. Na oli no laik tru.
Long wik igo pinis tripla niuspepa blong Sweden ibin raitim na soim ken despla piksa blong Prophet Mohammed bihaen long oli bin pulim kalabusim sevenpla pipal, bihaen oli tingting na redi-im wok blong kilim man husat isave raitim ol cartoons Lars Vilks.
Oli bin raitim na autim cartoon blong en long 2007 na despla ibin kirapim planti bel heve na kros long plantri kantri long wold.
Wanpla laewn emi save wokbung wantem Al-Qaeda igivim pinis 100,000 dollars blong husat man bai kilim Mr Vilks -- na narapla 50,000 antap long despla sopos oli katim nek blong en.
