China: Lida i sutim tok long America long bagarapim wokbung
Updated
Lida blong China, Praim Minista Wen Jiabao i sutim pinis ol strongpla toktok egensim America olsem, em tasol i asua na ol wok bung namel long ol kantri blong ol i bagarap, na emi tok America nau imas wok had blong stretim ken ol gutpla wok bung blong despla tupla kantri.
Emi bin autim despla toktok tede, taem oli bin pinisim ol miting blong palaman.
China na America, ibin bungim sampla heve long ol wok bung blong tupla long despla taem, bihaenim ol wok blong trade na tu ol loa emi karamapim moni oa curreency, pasin em China isave mekim long strongim ol loa emi karamapim wok blong internet, wanpla nupla wok em America iwok long bihaenim nau blong salim ol samting blong fait igo long Taiwan, na pasin em President Barack Obama ibin mekim long bungim na toktok wantem Dalai Lama, lida blong ol pipal blong Tibet husat isave stap nau long ol narapla kantri.
China nau iwok long lukautim Tibet bihaen long ol laen ami blong China ibin go insaet na kisim nating Tibet planti yia igo pinis.
