Solo:Cyclone Ului bai go kamap tede nait
Updated
Olsem Ol weather forcasters itok olsem Tropical Cyclone Ului i luk olsem bai go kamap long south blong Solomon Islands tede nait na stap inap tumora.
Solomon Islands i givim pinis wanpla tok lukaut oa woning long despla taem nogut oa stom igo long ol provins blong Rennell na Bellona na Makira, Guadalcanal, Central na Malaita.
Fiji meteological service i apim pinis mak blong despla storm igo long level five.
Queensland weather bureau itok Cyclone Ului iwok long kamapim ol strongpla win emi wok long ron long moa long 200 kilometres long wanpla hour, na i luk olsem bai emi kamap strong moa iet.
Acting direkta blong Solomon Islands Meteorology ofis long Honiara, David Hiriasia itok cyclone Ului ino stap longwei tumas long Rennell na Bellona provins.
