AusAID i tok 52 Australians i staplong northern Fiji.
Updated
Aid Agency bilong Australia, AusAID i tok, oli rejista 52 Australians i stap long northern Fiji taim Cyclone Tomas ibin hamarim long stat iblong wik. Oli toktok na save long 35 i stap seif na nogat heve long bodi bilong ol.
Igo daun bilong komunikesan i go het olsem wanpela heve long givim halivim, na long sem taim wanpela Australian Hercules militeri balus nau i wok long karim ol emergency supplies igo long Fiji bihainim askim bilong Interim Government.
Balus bai halivim tu long karimaut ol luksave long ol eria ibin kisim bagarap na kisim ol sik pipal igo aut sapos oli nidim.
Acting Director General bilong AusAID, Peter Baxter i tok wantaim tu halivim igo long ol Fijians bihainim Cyclone, Australia i mekim sek igo long ol sitisans bilong em i pas stap long ol eria bilong Fiji ibin bungim cyclone.
