Bikpla gris na suga long kaikai i wankain olsem ol drag
Updated
Ol saintis blong Australia i tok wok painim blong ol long wanem samting kaikai i gat bikpla gris na suga tumas long en, i ken mekim long brain oa kru blong man, inap soim niupla aidia long wanem samting i save mekim planti pipal blong kantri i fat tumas.
Wanpla neuroscientist -- brain dokta long University of New South Wales, Professor Margaret Morris, i tok displa study i painim olsem, kain kaikai i gat bikpla fat na suga long en, i save wok olsem ol recreational drugs em pipal i save dringim blong pilim gut na hamamas.
Em i tok ating em blong wanem na one third long ol man na haf long ol meri long Australia i fat tumas oa obese.
