Dring-spak na spak-brus i kamap bikpla heve long Pacific
Updated
Ol niupla research oa wok-painim, i soim olsem dring-spak i wok long kamap bikpla problem insait long ol Pacific kantri.
Planti i tok, displa wok-painim i gutpla tru bikos em i soim nambawan gutpla klia piksa long pasin blong ol man na meri long abuse oa dring spak tumas long rijen.
Displa wok-painim i soim olsem, alcohol -- oa bia na spirits -- i kamap bikpla problem tru long olketa hap, na i tok, cannabis oa spak-brus i kam nambatu long alcohol.
Australian National Council blong Drugs i wokim displa ripot we em i bin lukluk long ol kain drugs pipal i save iusim long 16 Pacific kantri, namel long ol, Samoa, Fiji na Papua New Guinea.
Eksekiutif Darekta blong Kaunsel, Gino Vumbaca, i tok ikam inap nau, oli no bin klia tumas long wanem kain bagarap i kam long pipal i usim tumas ol drug na alcohol.
Kaunsel i laikim Australia na New Zealand long long promis long wuas long displa heve na stretim.
