Australia halvim Fiji maski oli save koros
Updated
Australia Foran Minista i tok, wok-bung namel long Australia na Militari Gavman blong Fiji, em ino gutpla tumas displa taim, INO pasim Australia long salim yet halvim igo long pipal bihainim ol bagarap Saiklon Tomas i kamapim.
Long displa taim, oli no save yet long wanem hap oa wanem samting i kamap long nainpla Australia em oli save stap long Fiji, tasol Stephen Smith i tok i nogat wanpla ripot i kam blong soim oli bagarap long saiklon.
Wanpla Australian C-130 Hercules balus i kamap pinis long Fiji wantem halvim na i wok long redi long go aut na halvim ol wok blong galasim gut ol eria em oli bin kisim bikpla bagarap tru long Saiklon.
Mr Smith i tok bel-kros blong Australia wantem gavman blong Commodore Frank Bainimarama, ino pasim Australia long givim halvim.
