Fiji Helt Ministri salim ol tim blong skelim bagarap
Updated
Helt Ministri blong Fiji i salim ol tim igo long ol hap blong kantri long north na east blong painim aut wanem ol kain heve long sait lbong helt i kamap bihainim bagarap ikam long Cyclone Tomas.
Oli ting displa saiklon i i kamapim bikpla bagarap tru long planti hap blong Fiji na toksave ikam olsem, wanpla i bin dai.
Ol Australian na New Zealand militari balus i wok long dropim ol kain halvim insait long Fiji na oli stat go raun blong skelim wanem kain bagarap i bin kamap.
Mausman blong Helt Ministri, Iliesa Tora, i tok oli wari moa long ol kain sik i ken kam long ol wara em i bin kam long displa bikpla win na ren i bringim.
