Solomon Islands polis na kastam i pasim sip
Updated
Long Solomon Islands, oli pasin wanpla logging sip na bai oli painim aut mo long ol kru blong en.
Wanpla wokbung namel long polis na ol kastam ofisal long Gizo i painim aut displa sip.
Solomon Star niuspepa i tok, ol kru memba blong displa sip, nem blong en MV Topaz, bai peim bikpla mani bikos oli traim long haitim sampla scrap metal -- ol ros aen samting long sip blong karim igo aut lusim kantri.
Niuspepa i tok ol kru memba blong sip i blong Thailand.
Ol polis na kastam ofisal i bin go insait long sip blong lukluk bihain long wanpla man i bin toksave long ol, na oli painim planti scrap metal insait.
