Wallis na Futuna i kisim taim long Tomas.
Updated
Gavaman blong France i kisim ol askim nau long kamapim "state of natural disaster" long dispella pacific territori blong en Wallis na Futuna,em ibin kisim nogut long Cyclone Tomas long stat blong dispela wik.
Helene Hofman i ripot ikam long Noumea olsem Overseas Territori Minista blong France,ibin putim aut wanpela askim igo long France Gavaman long tokaut olsem dispela tupela island territori nau i kamap olsem "state of natural disaster"
Ol wok painim em oli lukluk long ol bagarap ikam long cyclone Tomas long stat blong dispela wik ibin soim olsem planti long ol buildings blong island i bagarap olgeta.
Long hap olsem north coast blong island blong Futuna em ples blong 15 tausen ol pipol,ibin bungim bikpela bahgarap tru,moa long 80 pesen blong ol graun blong wokim gaden nau i bagarap na long
Wallis ol bagarap em inap long 50 pesen.
I tru pawa ikam bek ken pinis,tasol ol telefon line i bagarap yet.
Tupela lain em France ami ibin salim long New Caledonia long halivim wantaim ol wok blong stretim ken ol samting.
