PNG: Ol papa-mama isave mekim ol pikinini long beg
Updated
Long Papua New Guinea, ol ripot itok ol pua papa-mama isave mekim ol pikinini blong ol long go long ol streets na askim oa beg long moni na kaikai na ol narapla samting olsem.
Despla toktok ikamap sampla wik bihaen tasol long gavman ibin oraetim wanpla nupla loa long lukautim ol pikinini oa child protection legislation.
Firmin Nanol i ripot olsem ol wok nius long PNG ibin tokaut long wanpla meri ibin salim liklik pikinini meri blong en, krismas blong en 5 long go long ol streets blong Port Moresby na askim ol pipal long givim em moni.
Taem ol pipal ibin askim em long papa-mama blong en ibin stap we, emi bin soim mama blong en husat ibin wok long sidaon aninit long wanpla diwai.
Oli bin tokim despla meri long kisim pikinini blong en na go bek long haus na lukautim femili blong en.
PNG Community Development Minister, husat iwanpla meri tasol long palaman, Dame Carol Kidu itok, pasin blong mekim ol pikinini long go askim long samting i brukim loa blong kantri.
Dame Carol Kidu itok emi wok blong ol papa-mama long lukautim ol pikinini blong ol.
