US: Wok painimaut itok ol pikinini isave fat kuik
Updated
Wanpla wok painimaut long America itok olsem planti moa pikinini isave fat tumas taem oli liklik tru iet.
Ol bikpla wok painimaut oa stadi em oli bin mekim long southern California i soim moa long 7 percent long ol yangpla mangi na 5 percent long ol yangpla meri isave kamap bikpla oa fat tru.
Despla wari isave bagarap tru long sampla laen oa grup, na planti long ol em yangpla bilak meri oa African American na yangpla mangi em papa-mama blong ol ikam long ol kantri long Latin na south America .
Long samting olsem 700 tausan ol pipal em oli bin toktok wantem ol, ol despla researchers ibin painim olsem ol pikinini husat papa-mama blong ol ikam long ol kantri blong Asia na ol kantri blong Pacific, na ol waitpla pikinini ino save fat tumas.
Wanpla helt expert oa save meri long Los Angeles, Tami Foy, itok sopos ol despla pikinini ino senisim wei blong kaikai blong ol, i luk olsem bai sotim laif blong ol long 20pla yia.
