Austalia Gavman i givim medal long Fuzzy Wuzzy Angels
Updated
Gavman blong Australia i givim pinis 18 commemorative medal igo long ol lapun Papua New Guinea man, husait ibin halivim ol Australia soldia long taim blong Second World War.
Moa long 50-tausen lokal pipol ibin halivim Australian troops insait long PNG antap long Kokoda kempein long Namba tu bikpela Wo.
Dispela lain em ol i save kolim ol Fuzzy Wuzzy Angels, ibin halvim wantaim ol wok blong muvim ol saplai na na halivim ol soldia, husait i sik oa kisim bagarap lusim ples blong pait.
Long las yar, Australia Gavman ibin stat long givim dispela ol medal long luk-save long wok ol i mekim long taim blong wo.
Australian Hai Komosina igo long PNG, Ian Kemish ibin givim dispela 18 medal insait long wanpela bung long Popondetta insait long Oro Provins.
"They have evacuated the sick and the wounded from the battle fields of Papua New Guinea. Much of that took place on the Kokoda Track''
