Tok-save long salim bik-nem Fiji niuspeipa i stat
Updated
Ol i putim tok save pinis long salim bikpela niuspela blong Fiji, Fiji Times, bihainim iet oda blong militeri Gavman long stat blong dispela yar, we em i laik bai 90 pe sen blong olgeta midia blong kantri imas stap insait iet long kantri.
Tom Fayle i ripot Fiji Times niuspeipa i publishim askim blong ol pipol i laik baim niuspeipa, em accounting firm Price Waterhouse Coopers ibin raitim kamap long 'front page' blong peipa.
PWC i tok olgeta application blong baim peipa imas bihainim Media Industry Development Decree.
Dispela militeri oda ibin kamap long las mun, na em i tok, Fiji pipol i mas ownim oa bosim 90-pe sen blong wanpela nius lain, mekim papa kampani blong niuspeipa, Nius Limited em Rupert Murdoch i bosim, i pinisim taim blongen long kantri.
Fiji midia long dispela yar igo pinis ibin kisim planti wok was i kam long long militeri Gavman, na ol lain i save galasim midia wok i tok Times niuspeipa i bungim planti toktok koros i kam long gavman, bikos em i sakim long raitim taitel blong praim minista igo long lida blong kantri.
News Limited i autim bikpela bel kros long dispela oda, long tok, sapos ol i pasim dispela niuspeipa, samting olsem 1-tausen-200 journalist na sapot staf bai ino gat wok.
Aplikesin blong ol nupela lain igat 'interest' long baim peipa bai pas long August 9.
