Australia PM i tok sori long dai blong pipol
Updated
Australia Praim Minista Julia Gillard, i tok aut long bikpela sori blongen igo long ol femili blong tripela Australia pipol husait i dai long wanpela 'plane crash' antap long wanpela ailan long Papua New Guinea.
Niusman Liam Fox i ripot ol i kisim man, ol i bilip wanpela pailot na husait ino dai long dispela birua igo bek pinis long kapital Port Moresby.
Ol i bilip man ia, wanpela New Zealand ibin wanpela long ol pailot blong Trans-Air balus, em ibin pudaun bagarap long Misima Island asde tasol ol bagarap blong blongen ino bin bikpela tumas.
Wanpela sata balus ibin karim em igo long Port Mroesby tede na ABC i bilip ol i rereim ol samting long flaim em igo long Australia long kisim moa medical tritment.
Ripota blong mipela i bilip ol bai ino kisim bodi blong 4-pela pipol i dai long 'crash' igo long Port Moresby tede, 3-pela blong Australia na wanpela New Zealand.
