Tonga Gavman i tingting long sanisim Public Service Act
Updated
Gavman blong Tonga i tingting long kamapim wanpela loa we ol publik servant imas pinis wok sapos ol i sanap resis long Paliment.
Long kamapim dispela, gavman ating bai sanisim Public Service Act blong Tonga na fosim ol public servant, husait i resis long eleksin, imas 'risain' pastaim long ol i putim rejista olsem wanpela kendidet.
Dispela plen igo pinis long King insait long Privy Council.
Insait long eleksin blong kantri long 2008, ol ibin larem ol public servant kisim liv long wok blong ol na resis long eleksin, na sapos ol i win, orait ol i tokim ol long pinis wok olgeta.
Tasol Viliami Afeaki, husait i wok olsem advaisa igo long Praim Minista, i tok ol praivet sitisen blong kantri i lukim dispela olsem em i wan said na i halvim ol wokman meri blong gavman.
Ol i bilip vot long sanis long Public Servant Act bai kamap long Parliament long dispela mun September.
Genral eleksin blong Tonga bai kamap long November 25.
